മനുഷ്യൻ കേവലം ഒരു ഭൂവാസി ആണെന്ന് മനുഷ്യവംശത്തെ ഓർമിപ്പിക്കുന്നു ദിനമാണ് ക്രിസ്മസ്. അതാണ് മനുഷ്യ ജീവിതത്തിന്റെ ലാളിത്യവും മഹത്വവും.
പുൽകൂട്ടിൽ പിറന്ന്  ഗാഗുൽത്താമലയിലേക്ക് നടന്നുകയറിയവനെ ഐശ്വര്യത്തിയ്ക്കും  സമൃദ്ധിയിലേക്ക് ഉള്ള  ചവിട്ടുപടിയായി വ്യവസ്ഥാപിത മതങ്ങൾ രൂപം മാറ്റം വരുത്തിയത് അത്ഭുതകരം തന്നെ. വ്യവസ്ഥാപിത മതങ്ങളുടെ മാർക്കറ്റിംഗ് തന്ത്രമാണ് അത്. ക്രൂശിതരൂപം അവരുടെ ട്രേഡ് മാർക്കാണ്. ഉള്ളിലുള്ള വെളിച്ചത്തെ, ജാഗ്രതയെ സ്വർഗ്ഗ സമാനമായ സവിശേഷതയായി കണ്ടു അതിനെ  അനുധാവനം ചെയ്യുവാൻ ഉപമകളിലൂടെ,ദൃഷ്ടാന്തങ്ങള്ളിലൂടെ , പ്രബോധനങ്ങളിലൂടെ സർവ്വോപരി സ്വന്തം ജീവിതത്തിലൂടെ അവൻ ഭൂവാസികൾക്ക് കാണിച്ചുതന്നു. ലളിതമായ ഭാഷയായിരുന്നു അവൻ ഉപയോഗിച്ചിരുന്നത് .ഹൃദയത്തിൽ ലാളിത്യം ഉള്ളവർ വളരെ പെട്ടെന്ന് അത് ഉൾക്കൊണ്ടു. നെറ്റിയിലെ വിയർപ്പുകൊണ്ട് ഭക്ഷണം കഴിക്കുന്ന സാധാരണക്കാരുടെ ഹൃദയത്തിലേക്ക് അവന്റ്‌ വചനങ്ങൾ  ആയാസരഹിതമായി അലിഞ്ഞുചേർന്നു.
എന്നാൽ സാധാരണക്കാരെ അമ്മാനമാടി രസിക്കാൻ താല്പര്യമുള്ള, സാധാരണക്കാരുടെ ആദരവും പ്രശംസകളും പിടിച്ചുപറ്റി സ്വയം മഹത്വവത്കരിച്ച് ജീവിക്കാൻ ആഗ്രഹിക്കുന്ന ഒരു വിഭാഗം അവൻ പറഞ്ഞതിനെ മറ്റൊരു ഭാഷ്യം ചമച്ചു. ക്രൂശിതരൂപത്തിൽനോടനുബന്ധിച്ച് കുറച്ച് ആചാരാനുഷ്ഠാനങ്ങൾ അനുഷ്ഠിച്ചാൽ സ്വർഗ്ഗാരോഹണം നടക്കുമെന്ന് അവർ വാഗ്ദാനം ചെയ്തു, സാധാരണ ജനതയെ വ്യാമോഹിപ്പിച്ചു.
ഇവരുടെ കാപട്യം നാം തിരിച്ചറിയേണ്ടതുണ്ട്. ഇവരെ തിരസ്‌കരിക്കേണ്ട സമയം  സമാഗതമായി. വിലക്കപ്പെട്ട ഫലം ഭക്ഷിച്ചാൽ ദൈവം  ആക്കാമെന്ന് വാഗ്ദാനംചെയ്തവന്റ്‌  അനന്തരാവകാശികളാണ് അവർ. അവർ പറയുന്ന, നിർദേശിക്കുന്ന, ചില ആചാരാനുഷ്ഠാനങ്ങളുടെ അനുധാവനംത്തിലൂടെ സ്വർഗപ്രാപ്തി സാധ്യമാകുമെന്ന് ഒരു സങ്കല്പം സാധാരണക്കാരിൽ ഉടലെടുക്കുമ്പോൾ അവരുടെ ഉള്ളിലെ വെളിച്ചവും ജാഗ്രതയും അസ്തമിക്കുകയും തത്സ്ഥാനത്  അടിമത്തം ഉദയം ചെയ്യുകയും ചെയ്യും. ഉള്ളിലെ ജാഗ്രത നഷ്ടപ്പെട്ടാൽ ശീലങ്ങളുടെ അടിമയാണ് നാമം.ശീലങ്ങളുടെ അടിമപ്പെട്ട ഒരുവന്റ്‌   ജീവിതം തടവറയിൽ അകപ്പെട്ടവരുടെ ജീവിതത്തിന് തുല്യമാണ്.  വിശ്വാസിയുടെ സുരക്ഷിതത്വം എന്നാൽ തടവറയിൽ അകപ്പെട്ട ഒരുവന്റെ ജീവിതത്തിന് തുല്യമാണ് .ക്രിസ്‌തു ഒരുവിശ്വാസി ആയിരുന്നില്ലാ ,എല്ലവരിലുമുള്ള ,വെളിച്ചത്തെ ,ജാഗ്രതയെയാണ് ആണ് അവൻ പ്രോഘോഷിച്ചിരുന്നത് .വിശ്വാസികൾക്ക് ജീവിതത്തെ യഥാതഥമായി കാണുന്നതിനോ തദനുസരണം പ്രതികരിക്കുവാനോ സാധിക്കില്ല.ഒരു വിശ്വാസിയുടെ ഹൃദയം,യുദ്ധ ഭുമിക്ക് സമാനമാണ്,അവർ ദൈവത്തെയും പുണ്ണ്യാളന്മാരെയും കൂട്ടുപിടിച് സാത്താനും ,പാപികളുംമായ് നിരന്തരയുദ്ധത്തിലാണ്‌ ,ലൂസിഫർ ദൈവത്തിന്റ സകല അടവുകളും പഠിച്ചതുകൊണ്ടു യുദ്ധം സമനിലയിൽ തീവ്രമായി  തുടരുന്നതായിട്ടാണ് ഒരു വിശ്വാസിയുടെ മുഖത്തും കണ്ണുകളിലും ,സംസാരത്തിലും  നിന്നു വെളിപ്പെടുന്നത് ,ഹൈലി റിലീജിയസ് വ്യക്തി എന്നാൽ ഹൈലി explosive ആയാ വ്യക്തി എന്നാ ഒരുഅർത്ഥംകൂടി ഉണ്ടന്ന് നമ്മുക്കെല്ലാം ഇതിനകം മാനസിലായിട്ടുണ്ട് . 

ജീവിതത്തിന്റെ അടിസ്ഥാന മുഖമുദ്ര അനിശ്ചിതത്വമാണ്. യഥാർത്ഥ ബോധമില്ലാതെ ജീവിതത്തിന് സുരക്ഷിതത്വം കൈവരിക്കാനുള്ള ശ്രമങ്ങളാണ് ഭൂമിയെ യുദ്ധഭൂമി യാക്കുന്നത്, ജീവിതത്തെ സംഘർഷഭരിതം ആക്കുന്നത്. ജീവിതത്തിന് സ്കാലപതിഷ്ഠിതമായ  സുരക്ഷിതത്വം വാഗ്ദാനം ചെയ്യുന്നവർ കപട ഹൃദയ ആരാണ്.  വ്യവസ്ഥാപിത മതങ്ങൾ മുന്നോട്ടുവയ്ക്കുന്നു മോഹനവാഗ്ദാനങ്ങളിൽ കുടുങ്ങാതെ സ്വന്തം ജീവിതത്തിന്റെ അനിശ്ചിതത്വം മുഖാമുഖം കാണുമ്പോൾ,നേരിടുമ്പോൾ,നമ്മുടെ ഹൃദയത്തിൽ സംജാതമാകുന്നത് വാക്കുകളാൽ മലീമസം ആകാത്ത ജാഗ്രതയാണ്. ഉള്ളിലെ  ആ വെളിച്ചം സ്വയം പ്രാകാശിതവും  മുന്നോട്ടുള്ള പ്രയാണ ഊർജ്ജം ഉള്ളതും സ്വയം നിയന്ത്രിതവും ആണ്.
സൗഹൃദവും സഹകരണവും ക്രിയാത്മകതയും ഭയത്തിൽ നിന്നല്ല ഉടൽഎടുക്കേണ്ടത്, പ്രത്യുത ഹൃദയത്തിന്റെ നിറവിൽ നിന്നാണ്. ഉള്ളിലെ വെളിച്ചം, ജാഗ്രതയാണ് അതിന്റെ അച്ചുതണ്ട്. ജാഗ്രത നമ്മെ വസ്തുതകളെ യഥാതഥമായി കാണുവാനും അഭിമുഖീകരിക്കുവാനും നമ്മെ പ്രാപ്തരാക്കും

ഉള്ളിലെ വെളിച്ചത്താൽ ജാഗ്രതയാൽ നയിക്കപ്പെടുന്നവനെ കപട സദാചാരവാദികൾ അവനെ  ഒറ്റപ്പെടുത്തുകയും അവനുവേണ്ടി തെമ്മാടി കുഴികൾ സജ്ജമാക്കുകയും ചെയ്യും. എന്നാൽ ഉള്ളിലെ വെളിച്ചത്താൽ നയിക്കപ്പെടുന്നവൻ പ്രപഞ്ച പൗരനായി സ്നാനം ചെയ്യപ്പെട്ടവൻ ആണ്. ഈ പ്രപഞ്ചം അവന്റെ താണ്.  മണ്ണും വിണ്ണും അവനെ രണ്ടു കയ്യും നീട്ടി സ്വീകരിക്കും.  അവന്റെ പാദങ്ങൾ ഭൂമിയിൽ പതിയുമ്പോൾ ഭൂമി കോരിത്തരിക്കും,  അവൻ വൃക്ഷലതാദികളെ  നോക്കുമ്പോൾ, അവർ സുഷുപ്തിയിൽ നിന്നും ഞെട്ടിയുണർന്നഅവനുവേണ്ടി ആഹ്‌ളാദാരവങ്ങൾ പ്രകടിപ്പിക്കും .

ക്രിസ്മസ് പ്രപഞ്ചാ പൗരത്വം തിരിച്ചുപിടിയ്ക്കുവാനുള്ള ഒരു അഹ്വ്വനമാണ്,നമുക്കു നാമെപ്പറ്റിയുള്ള,എല്ലാ ധാരണകളും,വിശ്വാസങ്ങളും,പ്രത്യശകളും, നാം നിറഞ്ഞു ആടുന്ന വൈവിത്യമാർന്ന എല്ലാ വേഷങ്ങളും  വെടിഞ്ഞു ,കേവലും ഒരു human being ആണന്നു,human being ലെ 'being ' ഉണ്മയാണെന്നു തിരിച്ചറിയുന്നദിനം.ഒരുവിശ്വാസത്തിലും അഭയം തേടാതെ ഉള്ളിലെവെളിച്ചം മാർഗ്ഗവും ,ദീപവും ആകുമാറാകട്ടെ . ഉള്ളിലെ വെളിച്ചത്താൽ നയിക്ക്യപെടുന്നവനെ ചുറ്റുമുള്ള സമൂഹത്താൽ തിരസ്‌കൃതനായാലും അവന്റ്‌ ജീവിതം ഒരുആഘോഷമാണ്‌,വെളിച്ചത്തെപ്രണയിച്ച ഈയാംപാറ്റകളെപ്പോലെ,ഗാഗുൽത്താമലയിലേക്ക് നടന്നുകയറിയവന്റ്‌ ജീവിതം പോലെ ഒരു ആഘോഷം ....

നിറകണ്ണുകളോടെ ഹൃദയവേദനയോടെ ബിജി അച്ഛന്  ആദരാഞ്ജലികൾ അർപ്പിക്കുന്നു. കുറച്ചു   നാളത്തെ പരിചയം മാത്രമേ ബിജി  അച്ഛനുമായി ഉള്ളുവെങ്കിലും  ദീർഘനാളത്തെ   പരിചിതരെപോലെയാണ്  അച്ഛൻ പരിചയപ്പെട്ട നിമിഷം മുതൽ സംസാരിച്ചിരുന്നതും  ഇടപഴുകിയിരുന്നതും . എല്ലാവരോടും അച്ഛൻ അങ്ങനെയാണ് . എല്ലാവരും അച്ഛന്റെ  സ്വന്തം എന്ന്  അച്ഛൻ കരുതിയിരുന്നു.
ഊർജ്ജസ്വലമായ ശബ്ദം ,ഉന്മേഷത്തോടെയുള്ള  നിൽപ്പും നടപ്പും , അച്ഛന്റ മുഖത്തെ  ഒരിക്കലും മായാത്ത പുഞ്ചിരി,എപ്പോഴും പ്രസന്നമായ മുഖം ,അച്ഛനുമായി സംസാരിച്ചിരുന്ന നിമിഷങ്ങൾ ഇനി ഓർമ്മകൾ മാത്രം ആണെന്നറിയുമ്പോൾ വേദനയുണ്ട്.
അച്ഛന്റെ കുർബാന ഞാൻ കണ്ടിട്ടില്ല, പ്രസംഗങ്ങൾ കേട്ടിട്ടില്ല, പക്ഷേ അച്ഛൻ എന്റ്  കൂടപ്പിറപ്പായിരുന്നു, എനിക്കു മാത്രമല്ല പരിചയപ്പെട്ട എല്ലാവർക്കും അച്ഛൻ കൂടപ്പിറപ്പായിരുന്നു. എന്റെ വേദനയുടെ നാളുകളിൽ അച്ഛൻ നെഞ്ചോട് ചേർത്ത് എന്നെ ആശ്വസിപ്പിച്ചിട്ടുണ്ട് , അച്ഛന്റെ ഓരോ വാക്കുകളിലും പ്രത്യാശയുടേയും ,സ്വന്തനത്തിന്റയും  അനശ്വരമായ ഊർജ്ജം
പ്രസരിച്ചിരുന്നു .  സ്വാന്തനത്തിന്റെയും പ്രത്യാശയുടെയും ആ ശബ്ദം നിലച്ചു!!

ഹൃദയത്തോട് ചേർന്നു നിൽക്കുന്നവർ പെട്ടന്ന് മാഞ്ഞു  പോകുമ്പോൾ മൗനത്തിന്റ മഹാസമാധിയിൽ ലയിക്കാൻ   ഹൃദയം തുടിക്കുന്നു.
അച്ഛന്റെ അകാല വേർപാടിൽ  വേദനിക്കുന്ന കുടുബങ്ങളുടെയും ,ബന്ധുക്കളുടെയും വേദനയിൽ പങ്കുചേരുന്നു.
                                                

ഇന്നലെ അമ്മചാരിറ്റിയുടെ നേതൃതത്തിൽ സംഘടിപ്പിച്ച 'തൂവൽ സ്പർശനത്തിൽ' പങ്കെടുത്തപ്പോൾ ഓർത്തുപോവുകയാണ്,ചാരിറ്റി പ്രവർത്തനങ്ങളിൽ ഒരു തരത്തിൽ അല്ലെങ്കിൽ മറ്റൊരു തരത്തിൽ  നാമെല്ലാം പ്രത്യക്ഷമായതും പരോക്ഷമായും  ഭാഗഭാക്കുകളാണ് . എന്നാൽ അവയിലെല്ലാം  ഒരുപരിധിവരെ ഒരു തരത്തിലുള്ള ഔപചാരിക കാണപ്പെടാറുണ്ട്. അതുകൊണ്ടുതന്നെ തൻപോരിമയുടെ മാലിന്യങ്ങൾ ഇത്തരം പ്രവർത്തനങ്ങളിൽ നിഴൽ  വീഴ്ത്താറുമുണ്ട് . എന്നാൽ ഹൃദയനൈർമല്യത്തിൽ  നിന്നുണരുന്ന ആതുര സേവനം 'അമ്മ'യുടെ ജീവകാരുണ്ണ്യ പ്രവർത്തങ്ങളെ ഏറെ ജനകിയമാക്കുകയും ,ജനഹൃദയങ്ങളിൽ വേരോട്ടമുള്ളതാക്കുകയും ചെയ്തു .

നമ്മുടെ സൗഭാഗ്യങ്ങളുടെ അവകാശികൾ നാം മാത്രമല്ല ഭൂവാസികൾ എല്ലാവരും ആണെന്ന സ്വാഭാവിക  അറിവിലേക്ക് നാം ഉണരുകയാണ് എന്നതിന്റ പതിഫലനമാണ് ''അമ്മ' ഇതുവരെ പൂർത്തീകരിച്ച ഒട്ടനവധി ജീവകാരുണ്യ പ്രവർത്തനങ്ങൾ .
ബെർട്രന്ഡ് റസ്സൽ  ഒരു അവസരത്തിൽ പറഞ്ഞത് ഓർത്തു പോവുകയാണ്, ഒരു ജനതയുടെ ഒരു സമൂഹത്തിന്റെ ഉന്നതിയുടെ മാനദണ്ഡങ്ങൾ അവിടെ പടുത്തുയർത്തപ്പെടുന്ന  അംബരചുംബികളായ മണിമാളികളും  സുഖസൗകര്യങ്ങളും അല്ല ,പ്രത്യുത അവരുടെ വിശ്രമ അവസരങ്ങൾ അവർ എങ്ങനെ ഉപയോഗിക്കുന്നു എന്നതിനെ ആശ്രയിച്ചാണ് എന്ന് .നമ്മുടെ പ്രിയപ്പെട്ട ഒരുക്കൂട്ടം 'അമ്മമാർ അവരുടെ വിശ്രമഅവസരങ്ങൾ ,ടി വി യുടെ മുൻപിൽ ഒരു പാവ കണക്ക് ഇരുന്നു കൊടുത്ത് നിർജീവതയുടെ   കരങ്ങളിൽ അമരുന്നതിനു പകരമായി ,വിശ്രമ അവസരങ്ങളിൽ വൈവിധ്യമാർന്ന സ്വാദിഷ്ടമായ വിഭവങ്ങൾ തയ്യാറാക്കി അവസരോചിതമായി അവയെ വിപണനം ചെയ്തു അതിൽ നിന്നു കിട്ടുന്ന പണം  നിരാലംബരുടെയും  നിരാശ്രയരുടെയും കണ്ണുനീർ ഒപ്പുന്നതിന്‌ വേണ്ടി ചിലവഴിക്കപ്പെടുമ്പോൾ,ആതുരസേവനരംഗത്തു നവചൈതന്യത്തിന്റ മറ്റൊരു ഇതിഹാസമാണ് നമ്മുടെ സ്നേഹനിധിയായ'അമ്മമാർ'എഴുതിച്ചേർക്കുന്നത് . 
പ്രിയപ്പെട്ട 'അമ്മയുടെ' അണിയറപ്രവർത്തകരെ നിങ്ങൾക്കെല്ലാവർക്കും ഹൃദയം നിറഞ്ഞ വിജായാശംസകൾ നേരുന്നു,ഇനിയും ആനേകായിരങ്ങളുടെ കണ്ണുനീർ ഒപ്പുന്നതിനും ,നീറുന്ന അവരുടെ ഹൃദയങ്ങൾക്കു ഒരു സ്വാന്തനസ്പർശമാകാൻ  നിങ്ങളുടെയെല്ലാം കരങ്ങൾക്ക് ശക്തിയും പ്രചോദനവും ജഗദീശ്വരൻ സമൃദ്ധമായി നല്കട്ടെയെന്നു ആത്മാർഥമായി പ്രാർത്ഥിക്കുന്നു ആശംസിക്കുന്നു.

മതാന്ധതയും രാഷ്ട്രീയാന്ധതയും ബാധിച്ച ,ക്രൂരതയുടെ  ഏതറ്റം വരെയും  പോകാൻ തയ്യാറെടുക്കുന്ന ഒരു കാലഘട്ടത്തിലൂടെ നാം നീങ്ങുമ്പോൾ അതിനു പ്രതിവിധിയായി ആക്രമണോത്സുകമായ ആശയവിനിമയങ്ങളോ പ്രതിപ്രവർത്തനങ്ങളോ അല്ല വേണ്ടത്; പ്രത്യുത ഊഷ്മളമായ സ്നേഹസൗഹൃദങ്ങളുടെ വറ്റാത്ത ഉറവയുടെ ഉറവിടം നാം പുനർജനിപ്പിക്കുകയാണ് ആണ് വേണ്ടത്. ഈ അവസരത്തിലാണ് നമ്മുടെ അസോസിയേഷന്റെ  പ്രസക്തി എന്തെന്നില്ലാതെ വർധിക്കുന്നത്. പ്രവാസികളായ നമ്മുടെ സാമൂഹ്യ ജീവിതത്തിന്റെ ശ്രീകോവിലാണ്, അൾത്താര ആണ് നമ്മുടെ അസോസിയേഷൻ. നമുക്കുവേണ്ടി നമ്മുടെ സാമൂഹിക ജീവിതത്തിന്റെ ചുക്കാൻ പിടിച്ച നമ്മുടെ പ്രിയപ്പെട്ട അസോസിയേഷൻ പ്രസിഡണ്ട് രാജു കുര്യന്റെയും , ജനറൽസെക്രട്ടറി ലിജോ റെജിയുടേയും നേതൃത്വത്തിലുള്ള കമ്മറ്റി അംഗങ്ങൾ സ്ഥാനമൊഴിഞ്ഞു  പടിയിറങ്ങുമ്പോൾ അവരുടെ അകമഴിഞ്ഞ നിസ്വാർത്ഥമായ കഠിനപ്രയത്നംങ്ങൾക്ക് ഹൃദയപൂർവ്വം  നന്ദി പറയുന്നു.   നമ്മുടെ സാമൂഹിക ജീവിതത്തിൽ, ബന്ധങ്ങളിൽ പ്രതിഫലിക്കുന്നത് നമ്മുടെ ഹൃദയ രേഖകൾആണ്. 

 2019 - 2020   കാലഘട്ടത്തിൽ പതിനഞ്ചിലേറെ വൈവിധ്യമാർന്ന പരിപാടികളാൽ സമ്പന്നമായിരുന്നു നമ്മുടെ അസോസിയേഷൻ പ്രവർത്തനങ്ങൾ. പതിവ് പരിപാടികളിൽ നിന്നെല്ലാം തികച്ചും വിഭിന്നമായി ആകർഷകമായ പരിപാടികൾക്കാണ് അസോസിയേഷൻ സാക്ഷ്യം വഹിച്ചത്.
പ്രഭാഷണങ്ങളെകാൾ ഏറെ പ്രവർത്തനങ്ങൾക്ക് പ്രാധാന്യം നൽകിക്കൊണ്ട് പ്രവർത്തിച്ച ജനറൽസെക്രട്ടറി ലിജോ റെജിയുടെ സ്നേഹോഷ്മളമായ ഇടപെടലുകളാണ് അസോസിയേഷന്റെ പ്രവർത്തനങ്ങൾക്ക്' ഔട്ട്സ്റ്റാൻഡിംഗ് പെർഫോമൻസ്'എന്ന നിലവാരത്തിലേക്ക് ഉയർത്തിയത് എന്ന് നിസ്സംശയം പറയാം .അതോടൊപ്പം  അസോസിയേഷൻ പ്രസിഡണ്ട് രാജു കുരിയന്റെ  സമയോചിതമായ, ശക്തമായ ഇടപെടലുകൾ, അസോസിയേഷൻ പ്രവർത്തനങ്ങൾക്ക് മികവും ഊർജ്ജസ്വലതയും പകർന്നു. ട്രഷറർ ആയി സേവനമനുഷ്ഠിച്ച ഷാജു ദേവസ്യയുടെ സൂക്ഷ്മതയോടെയുള്ള പണമിടപാടുകൾ  ചരിത്രത്തിലാദ്യമായി ഏറ്റവും കൂടുതൽ നീക്കിയിരിപ്പ് പണത്തിന് ഇടയായി. ഷാജുവിനെ പറ്റി പറയുമ്പോൾ ഞാൻ ഒരു കാര്യം ഓർത്ത് പോവുകയാണ്, അസോസിയേഷൻ ഡാറ്റ എല്ലാം അപ്ഡേറ്റ് ചെയ്യുന്നതിന്റെ ഭാഗമായി ഒരു സായാഹ്നത്തിൽ ഷാജു  എന്റെ വീട്ടിൽ വന്നു. ഒട്ടും തത്രപാടുകൾ  ഒന്നും  പ്രകടിപ്പിക്കാതെ വളരെ ലാഘവത്തോടെ 
ഞാൻ പകർന്നു കൊടുത്ത ചുടുചായ നുകർന്ന് ഞങ്ങളങ്ങനെ അസോസിയേഷൻ  കാര്യങ്ങൾ  എല്ലാം ചർച്ച ചെയ്തു. ഹൃദയത്തിൽ ഇടം ഉള്ളവർക്ക് മാത്രമേ, മറ്റുള്ളവരെ  ഉൾക്കൊണ്ടുകൊണ്ട് പൊതു പ്രവർത്തനങ്ങൾ ആനന്ദകരമായ ഒരു അനുഭവമാക്കി മാറ്റാൻ കഴിയു എന്ന്  അന്ന് ഞാൻ ആദ്യമായി മനസ്സിലാക്കി. അഭിനന്ദനങ്ങൾ ഷാജു.  ( ഞാനും ഭാരവാഹിയായിരുന്ന കാലത്ത് തത്രപാടുകളോടെയുള്ള ജഗപുക സന്ദർശനങ്ങളെ നടത്തിയിട്ടുള്ളൂ. ഹൃദയത്തിൽ ഇടം ഇല്ലാത്തതുകൊണ്ട് ആയിരുന്നു അന്ന് അങ്ങനെ ചെയ്തിരുന്നത് എന്ന് ഇന്ന് കുറ്റബോധത്തോടെ ഓർക്കുന്നു)
അനിൽ മേരിഗിരിയുടെ  നാടൻ കലകളോടുള്ള   അഭിനിവേശങ്ങളും താൽപര്യങ്ങളും ,ഓണാഘോഷങ്ങൾക്കും ന്യൂഇയർ ആഘോഷങ്ങൾക്കും  നൂതനമായ  ചൈതന്യം പകർന്ന്  വിജയപ്രദമാക്കി.
അസിസ്റ്റന്റ് സെക്രട്ടറി- രജീഷ്‌ നായർ,
ആർട്സ് സെക്രട്ടറി-ഷൈനി റിച്ചാർഡ്,
വൈസ് ചെയർമാൻ-ശോഭ ആനന്ദ് വിലാസ്,
സ്പോർട്സ് സെക്രട്ടറി -ജിയോ ജോസഫ്‌
ഫുഡ്‌ കോർഡിനേറ്റർ -ടോയ് കുര്യൻ.
PRO-സോണി ബോസ്
മാത്യു വര്ഗീസ് - അസിസ്റ്റന്റ് സ്പോർട്സ് സെക്രട്ടറി . നിങ്ങളുടെ എല്ലാം നിസ്വാർത്ഥമായ കഠിന പരിശ്രമങ്ങൾ, പ്രയത്നനങ്ങൾ, അസോസിയേഷൻ സംഘടിപ്പിച്ച എല്ലാ പരിപാടികളും കുറ്റമറ്റതാക്കി, അങ്ങേയറ്റം വിജയപ്രദമാക്കി. നിങ്ങളുടെ വിശ്രമാവസരങ്ങൾ, കുടുംബവും ഒത്തുള്ള വിലപ്പെട്ട സമയങ്ങൾ ഞങ്ങൾക്കായി മാറ്റിവച്ചു. ഐക്യത്തോടെ, ഒരുമയോടെ,  സ്നേഹത്തോടെ, സൗഹൃദത്തോടെ, പ്രവ്യത്തിച്ചു ഊഷ്മളമായ സ്‌നേഹസൗഹാർദ്ദങ്ങൾ ഞങ്ങൾക്ക് പകർന്നുതന്ന നിങ്ങൾക്ക്  എല്ലാവർക്കും ഹൃദയം നിറഞ്ഞ ഒരായിരം നന്ദി, അഭിനന്ദനങ്ങൾ.....

2020-2021 കാലഘട്ടത്തിലേക്ക് തെരഞ്ഞെടുക്കപ്പെട്ട ഏവർക്കും സുപരിചിതമായ സംഘടനാ പ്രവർത്തനങ്ങളിൽ മികവ് തെളിയിച്ച ജനറൽ സെക്രട്ടറി തോമസിന്റെയും, പ്രസിഡന്റ് അനീസിന്റയും നേതൃത്വത്തിലുള്ള  എല്ലാ കമ്മിറ്റി അംഗങ്ങൾക്കും ഹൃദയം നിറഞ്ഞ വിജയാശംസകൾ നേരുന്നു.

അസോസിയേഷന്റെ ന്യൂ ഇയർ ആഘോഷങ്ങളിൽ കുടുംബസമ്മേതം പങ്കെടുക്കാൻ കഴിഞ്ഞത് ഒരു ഭാഗ്യമായി ഞാൻ കരുതുന്നു. അനുദിന ജീവിതത്തിന്റെ സമ്മർദ്ദങ്ങളിൽ നിന്നും, ദുഃഖങ്ങളും വ്യാധികളിൽ നിന്നും വിടപറഞ്ഞു, കലാസ്വാദനത്തിന്റ നൂതന ചക്രവാളത്തിലേക്ക് ആനയിച്ച പോര്ടസ്‌മൗത്തില   കലാകാരന്മാർക്കും കലാകാരികൾക്കും  കൃതജ്ഞതയുടെ കൂപ്പുകൈ. കമ്മിറ്റി അംഗങ്ങളുടെയും ഭാരവാഹികളുടെയും അർപ്പണബോധത്തോടെയുള്ള തീവ്ര പരിശ്രമങ്ങളാണ് നമ്മുടെ അസോസിയേഷന്റെ ന്യൂഇയർ ആഘോഷങ്ങൾ ഇത്ര മനോഹരം ആക്കിയത് എന്ന് നിസംശയം നമുക്ക് പറയാൻ പറ്റും. യാതൊരുവിധ ഫലേച്ഛയില്ലാതെ കഠിന പ്രയത്നം കൊണ്ട് ഓരോ കലാപ്രകടനങ്ങളും മികവുറ്റതാക്കിയ പോർട്സ്മൗത്തിൽ എന്റെ പ്രിയപ്പെട്ട കലാകാരന്മാരെ കലാകാരികളെ,  നിങ്ങളോരോരുത്തരും അനുവാചക ഹൃദയങ്ങളിൽ നിറച്ചത് നൂതന ചൈതന്യത്തിന്റെ മലർവാടി കളാണ്. 
ഇത്രയും പ്രതിഭാസമ്പന്നരായ  കലാകാരന്മാരും കലാകാരികളും നമുക്ക് ഉള്ളപ്പോൾ നാം എന്തിനാണ് നാട്ടിൽ നിന്ന് ഏറെ പണം ചെലവാക്കി കലാകാരന്മാരെ യുകെയിലേക്ക് ക്ഷണിക്കുന്നു എന്ന് ഒരു നിമിഷം ചിന്തിച്ചു പോവുകയാണ്. പണത്തിനു വേണ്ടി അല്ലാതെ ഊഷ്മളമായ സ്നേഹസൗഹാർദ്ദ ങ്ങളിൽ നിന്ന് ഉരുത്തിരിയുന്ന ഓരോ കലാരൂപത്തിലും അനശ്വരതയുടെ സംഗീതം മാറ്റൊലി കൊള്ളുന്നു.
നാം മുലപ്പാലിനൊപ്പം രുചിച്ചറിഞ്ഞു നമ്മുടെ മലയാള ഭാഷയെ യുകെയിൽ ജനിച്ചുവളർന്ന കുഞ്ഞുങ്ങളിലേക്കു പകർന്നു നൽകുന്നതിൽ വിജയം കൈവരിച്ച ഡെനിസ്  വർഗീസിനെയും, അദ്ദേഹത്തിന്റെ വിദ്യാർഥി,  വിദ്യാർഥിനികളെയും, പൊന്നാടയും മെഡലുകളും നൽകി ആദരിച്ചത്  മഹത്തരമായ ഒരു കർമ്മം ആണെന്ന് നമുക്ക് നിസ്സംശയം പറയാം. അഭിനന്ദനങ്ങൾ ഡെന്നീസ് . നാം നെഞ്ചിലേറ്റിയ
മലയാളത്തനിമയുടെ ദീപശിഖ വരും തലമുറയിലേക്കും ഊഷ്മളതയോടെ പകർന്നു
നൽകുന്നതിൽ താങ്കൾ വിജയം കൈവരിച്ചതിൽ  അഭിനന്ദനങ്ങൾ, ഈ വിജയത്തിന് വേദിയൊരുക്കിയ അസോസിയേഷൻ കമ്മിറ്റി അംഗങ്ങൾക്കും ഭാരവാഹികൾക്കും ഒരായിരം അഭിനന്ദനങ്ങൾ.
എല്ലാവരുടെയും ഊഷ്മളമായ സ്നേഹ സൗഹൃദങ്ങൾ ആസ്വദിച്ച്, സ്കറിയ തയ്യാറാക്കിയ സ്വാദിഷ്ടമായ വിഭവങ്ങൾ ആസ്വദിച്ചു, ഓർമ്മയിലെന്നും താലോലിക്കാൻ ഹൃദ്യമായ ഒരു കലാസന്ധ്യയും ആസ്വദിക്കാൻ കഴിഞ്ഞതിൽ
ഈ എളിയവ ലളിത ജീവിതം ധന്യമായി. ഒരിക്കൽക്കൂടി എന്റെ പ്രിയപ്പെട്ട കമ്മിറ്റി അംഗങ്ങളെ,  ഭാരവാഹികളെ, നിങ്ങൾക്ക് ഞങ്ങളുടെ കൃതജ്ഞതയിൽ  നിറഞ്ഞ കൂപ്പുകൈ.